-

مرّت سنة .
ومرت ايام وايام !
مر عام ، وهجرك بقلبي انعمى
مايشوف الدمع بعيون الحمام
من شكاوي قالها انسان انكسر !
ياما انهجر من ناس يجفون الوصال
وياما بكى من شخص قلبه من حجر .
مرت سنه
وعيني تخاوي دمعها
وﻻ جا المساء ، تتذكرك
ثم تخنقها العبرْ !
ياغاليه
ياللي بقلبي تسكنين
ياراحلة ياللي نسيتي حُبنا !
كل هالسنين . .
ماتذكرين ايامنا ياقاسية ؟
واحلامنا و وعودنا !
و دمعنا اللي لا نزل
تسبق يدينا ، وتمسحه !
أنا اذكرك ، وكل ما هز الحنين
ابعثر الذكرى والوم نفسي ﻻ ذكرت انسان
غاب وما ذكرني وﻻ سأل !
من غيابك انكسر فيني الفرح
وابتدى يكبر بعز الليل فيني هالجرح !
من غيابك ظلي عابر مايبيني
ياخذه مره الظلام
ويرجع يعاتب ويسأل ايش فيني ؟

أنا من دونك حزين ، وماينخلق فيني فرح !
الا لامن شفت طيفك يحتريني .
وقلتله مره نسيت ؟
وقال عمرك ماتغيب عن ناظري يانور عيني !
وانخلق فيني الفرح ، بس غاب طيفك !
حتى حلمي مايجيبك
وان حلمت وجيتني مره بحلمي .
فزت ضلوعي وقمت
انتظرتك ، والحين مليت انتظارك !
ماعلينا ، المهم اني بدونك ؛
عابر بقلبٍ حزين . .

* قلم : ليكس الحربي - @Le_xAl7arpi .